सहकारीको सर्वमान्य सिद्धान्त मूल्य र मान्यतालाई शिरोपर गर्दै “संकल्प गर्छौं सधै उत्कृष्ट रहन्छौं” भन्ने मुलनारा बोकि काठमाडौं जिल्ला का.म.न.पा. वडा नं. ७ चावहिल, गणेशस्थान स्थित प्रधान कार्यालय रहेको यस निरिका बहुउद्देश्यीय सहकारी संस्था लि., वाग्मती प्रदेश सहकारी ऐन २०७६ अन्तर्गत स्थापना भएको सहकारी संस्था हो ।
नेपालको संविधानले सहकारीलाई देशको प्रमुख अर्थतन्त्रको स्तम्बको रुपमा परिभाषित गरेसँगै देशको सामाजिक, आर्थिक र साँस्कृतिक रुपान्तरण गर्न हेतु स्थानिय विभिन्न पेशा तथा व्यवसायमा आवद्ध व्यक्ति, सामाजिक भियन्ताहरुको समूहबाट स्थापना भएको यस संस्थाको परिचय सम्पूर्ण क्षेत्र तथा वर्गमा सहकारीको पहुँच पु¥याउनु हो ।
संचालन तथा व्यवस्थापन शेयर सदस्य महानुभावहरुको सन्तुष्टि नै यस संस्थाको सफलता हो जसलाई पुरा गर्न यस संस्थाको संचालक समिति, लेखा समिति साथै अन्य उप समितिमा विभिन्न क्षेत्र तथा व्यवसायमा विगत लामो समय देखि सफल व्यवस्थापन गर्दै आउनुभएका अनुभवि क्षमतावान तथा कुशल नेतृत्व दिन सक्ने युवा तथा उर्जाशिल व्यक्तिहरुको समूहबाट संस्थाको समिति तथा उप समिति गठन भएको छ । समय अनुकुल शेयर सदस्य महानुभावहरुको चाहना आवश्यकता अनुसार निति, कार्यक्रम तथा योजना बनाइ कार्यन्वयन गर्न सम्पूर्ण समिति प्रतिवद्ध छ ।
त्यसै गरि संस्थाको लक्ष्य र उद्देश्य प्राप्त गर्न दक्ष तथा अनुभवि कर्मचारीहरुबाट संस्थाको दैनिक कारोबारलाई प्रविधिमैत्री बनाउन व्यवस्थित बैंकिङ्ग प्रणाली प्रयोग गर्दै आएको छ । संस्थाको निति, कार्यक्रम तथा योजनाको अधिनमा रहि इमान्दारपूर्वक कर्तव्य पालना गर्नु सफल व्यवस्थापनको पहिचान हो । व्यवस्थापन पक्षले यो यथार्थलाई सदैव आत्मासाथ गर्दै अघि बढ्ने छ ।
